Saint Matthieu 5,17-19

Ler Tout Dalon Jézus té rasamblė autour d'il si la montagne, li.la di bana :
" mazine pas zot Mwin lé vni aboli la Loi ansanm bann prophètes :
Mwin lé pa vnu pou abolision la loi, Mwin lé vnu pou fé avouti.

Amen, pou vréman mi di azot :
Avan le syel ansanm la terre va fini,
Pa in lèt, Pa inn ti-tré, va fini dann la Loi ( Bondié), ziska tan tout va abouti.

Di azot byin, le moun va rëjète ne-srès lë plu pti koman main Bondié, é i di do moun fé parey, sra ti-gîne dann Péï-Bondié,
Soman, lö moun va pran-à-kèr viv son komanman évaluer amont fé parey,
Li sra rokonü gran dann péï-Bondié.

Pou réfléshi, pou fé in joli prièr :

Jezus i di li lé vnu aminn tout - la Loi, la Parol prophèt, tout' komanman Bondié - ziskobout'. Aprèsa li di n'a pwin ryin pou tiré, na pwin ryin pou rajouté... N'a pwin ryin d'ot pou ensènié.
Ler li di sa, li vé fé konprann son bann dalon, li vé fé konprann anou, sé li la Loi, la parole prophèt.. Tout sa sé li, pars sé li Lalians Bondié, sé an Li Laliance va ariv au bout' ziska dann ker do moun pou toultan.
Lalians Bondié sé li, li lé komanman la donn Moïse, mé li lé pa in plak en rosh : li lé vivan, é li aminn la vi.
Li lé osi Bondié é Moun an minm tan : la Loi-Lalians lé pa in text ékrir, la Loi-Lalians sé son kor, sé son présans, sé Lamour-Bondié-Moun : sé Li, Jézus.
Na pwin ryin pou rajouté : i fo sinpleman lès son Lalians-Lamour rampli nout vi pou aminn pli loin son Lamour an nou, pou nou gagne viv dann son Lamour ansanm Bondié é ansanm nout bann frèr, lö pli pti toultan.

Sénièr, Aou-minm Lalians-Lamour Bondié ansanm do moun,
Nou yinm out Lalians, sa i donn anou la Vi, out Vi,
Aprann anou yinm konm Ou yinm,

Amen.

source :Jean Denis FERRERE op

Posté le : 28/03/2014