Saint Luc 1, 26-38

L'ange Gabriel té envoyé par Bondié dann inn ville la Galilé, té apel Nazareth, pou alé war inn jeun-fi vierge, té promi en mariaj in hom té inn désandans le Roi David, té apel Jozeph.
Lange la rant dan sa kaz, la di ael :
"Lès la joie mont dann ton ker, la grass-i débord sü ou, lö Senièr lé ansanm ou !

La Parole Lange la boulvers aèl ; el té demann aël kosa sa té ve-di !
Lange la di aèl :
"Pa bezoin la peur, Marie, ou la trouv la gràce devan Bondiè.

Lèr lé arivé ! In zanfan va pouss dann out vant, ou va anfante in garson.
Ou va donn Ali konm nom Jézus.
Li sra gran. Va apel Ali zanfan Bondié le Trés-haut ;
Le Sénièr Bondié va donn Ali la plas le roi David, son papa, pou assiz en roi.
Li va régné pou toultan si la kaz Jakob,
Son règne jamé va fini !

Marie la demann Lange :

" koman sa va arivé, pars Mwin lé vierge " ?
Lange la di aèl : Le Souff-la-vie Bondié, Lesprit-Saint, va vni desu ou, la fors le Trés-Haut va kouv son lombraz dési ou ! Pou saminm, lö zanfant ou va met-o-monn sra Saint, va apel Ali : Garson-Bondié !
../..
Alors Marie la di :
Mwin lé la servante le Sénièr : mi veu tout i s'pass pou mwin konm out parole la di ".

Aprésa, Lange la kit ael, la reparti.

Pou réfléshi, pou fé inn ti prière :

Zordi tout chrétien i fèt l'Anons pou Marie el va port dann son vant lë zanfan Bondié.
La Bôn'nouvel, sé Jézus,
Marie lé la premièr pou aprann : la promess Bondié i ress pas inn Parol i fo espéré, aster, la promess Bondié i vyin in mounn.
Va apel Ali, Jézus.
Ler nou fèt lö gran l'anons la Vierge Marie la gagner, ansanm tout la joie la ariv ansanm, nou fèt l'anons là, konm in nafer la ariv pou nou osi an minm tan.
Jézus, li lé la Joie i ariv dann ker Marie, é sa joie lé pou nou osi ;
Jézus i aminn Royôm Bondié, pou aminn la Paix ék la Justis.

Ségnèr,
vyin dann nout monn,
vyin dann nout vie,
Aminn out Royôm,

Vierge Marie,
Amont anou koman i avans pou vni lö vré servitèr, la vré servante lö Sénièr.

source :Jean Denis FERRERE op

Posté le : 28/03/2014