Saint Matthieu 5,43-48

Ler Dalons Jésus té entour Ali si la montagne, li avé di azot :

<< Zot la aprann té i di : " yinm out proshin, rejette out zènmi"
Bé Mwin mi di azot : yinm out zènmi,
Prière pou do moun i martyriz azot,
Pou vni vréman zanfan zot Papa dann syel,
Pars Ali minm i fé lèv son soley si do moun-mové konm si bon-moun,
Pars Ali minm i fé tomb la pli si do moun-just konm si domoun-injust !


Si zot i yinm do moun i yinm azot, Kosa zot i peu prétan konm rékonpans ?
Tout'domoun lé kabap fé parey.

Si zot i di bonzour ryink zot frèr, Kosa zot i fé d'extraordinaire? Soman, azot,
Bann moun i Kroi pa ryin lé kapab fé osi ?


Mé soman, azot, fo zot kapab ètr parfai, konm lö papa dann Syel lé parfai ! >>

Pou réfléshi, pou fé inn prièr :

Pou Jésus, la polites i sufi pa, lo respé lé importan,
Mé viv son Lamour i pouss anou alé pli loin...
Sa i doi aminn anou ziska rosanm le Papa dann Syel..
Vni parfai...

Bondié nout Papa dann Syel,
Amont anou kisa ou lé,
Amont anou koman ou lé,
Pas ansanm nout zié, mé ansanm tout nout vi,
Amont anou lo shemin pou nou résanm aoû,
Amont anou la limièr lé kapab donn anou la fors ék l'envi change nout ker !


source : Jean Denis FERRERE op

Posté le : 27/03/2014