Saint Matthieu 6,7-15

" Kan zot i fé la prièr, pa bezoin répète dann vide konm bann payin : bana i koi afors tan zot i di la prièr, zot sra akordé.
Azot, Pa bezoin fé parey bana : la pa bezoin, pars, zot Papa-dann-syel i koné Kosa zot la bezoin avan zot i demann ali in nafèr.

"Kan, zot i fé la priér, di konmsa :
Bondié, Papa dann Syiel ,
Fé war anou la grander out nom,
Fé kler Bardjour out Royôm,
Fé viv out volonté,
Partou, toultan, konm dann syel,
Donne anou zordi nout manzé, nout boushé d'pain pou la vi,
Éfass tout' sak nou doi aoû, konm nou éfass sak do moun i doi anou,
Laiss pa nou rant dann shemin i râl dann malizé,
Kass dann nout vi la shèn lö mal. "

Pars, pou vréman :
si zot i pardôn do moun sak la fé mal azot,
Lö Papa-dann-syel va akord azot lö pardôn,
Mé si zot i pardôn pa do moun,
lo Papa-dann-syel akord pa azot son Pardon..."


Pou réfléchi, pou fé la Prièr :

Zézu i vé aprann son Dalon fé la prière:
La prière sé in nafer i apran,
Le maître - Jésus, konm d'ôt maître la aprann shemin Bondié, i aprann do moun fé la prièr.
La prièr pou Zézu, lé in manièr regarde Bondié,
In manièr regarde lö fon nout ker,
In manièr rogarde do moun,
Pou rod in manièr akeÿ la vi Bondié i donn à shakinn de nou,
Pou aprann anou rogarde do moun - kisoi nout prochain, kisoi nout zènmi, kisoi nout zami, kisoi do moun i doi anou kelkshoz ou byin la trahi anou...
Aprann rogarde azot konm Bondié i rogarde azot : i zanfan li vérampli lo ker ék son Lamour!
La prièr Jésus, i aprann anou rès ti, i aprann anou rès son Zanfan, ansanm in ker la port i rès rouvèr,
La prièr Jésus, lé kapab aprann anou akeÿ lö vré trézor : lö ti boushé-manzé-pou-la-vi ke Bondié i donn anou tou-lé-jour
Jésus i di anou, ler nou fé la prièr, mazine anou konm lo moun i fé la manshe pou gagne son boushé-la-vi dan la min, konm in moun la faim i gagne inn ti piès-jaune dann kré sa main...
"BonDié nout Papa dann syel, donn anou nout boushé-la-vi,
donn anou nout boushé-la-limièr,
donn anou nout boushé-lamour,
donn anou out boushé-pardon,
donn anou nout boushé-la-misérikord,
donn anou nout boushé-Aoû-Minm la vi i fini Pa,
donn anou Aoû-minm la Vi i fâne pa,
Poze dann kré nout main, Aoû-Minm nout Bondié-Nout-Papa-dann-syel,
Amen !

source : Jean Denis FERRERE op

Posté le : 11/03/2014