Saint Matthieu 25, 31 ... 46

Le roi va di bann dö moun just, sak li la plas par son koté-droite :
"Approche azot ! vien koté Mwin, zot lé béni, épi, Bondié lö Papa-Dann Syel i béni azot",
vyin zot ! Zot i sava gagne en l'héritage le royome la prépar pou zot dépi la création le monn.
Rapel azot :
Mwin té in létrangé, zot la-pa laisse amwin dehor, zot la akeÿ amwin,
Mwin té tou-nu, zot la donn amwin in linge pou met sü Mwin,
Mwin té malade, zot lé v'nu rann amwin inn visite,
Mwin té en prison, zot lé v'nu jusk'a Mwin,

Alors, lo bann juste la réponn :
Ségnèr, dépi kan nou la vi aou konmsa ?
Kansa nou la vi aou, ou l'avé faim, nou la donn aou in bouché manzé ?
Ou l'avé soif, nou la donn aou pou boir ?
Ou té in létrangé, nou la rouv la porte pou ou ?
Ou té tou-nu, nou la donn aou in linz,
Ou té malade, ou té la prizon..
Kansa ? Kansa nou trouv aou konmsa ?

Le Roi la réponn :
Amen, ma di azot pou vréman,
Ler zot la fé kék choz pou le plu simp ti moun,
Zot la fé sa amwin !

Après sa, li la dit sak té par son koté gauche :
Alé azot, sort azot devan Mwin,
Mwin lavé faim, zot la pa donn amwin ne serèss inn ti bouché...

Sak zot la pa fé pou in simp ti moun, zot la pa fé amwin non plus ...
Banna va trouv azot dann le feu i étinn pas.

É Bann juste, zot, zot va gagne la vie éternel.


Pou médité :

Jézu i pran in zoli lexanp pou fé komprann anou koman nou pé gagne sak li promé anou : Sé ler nou okip le pli pti moun li mèt si nout shemin.


É néna ankor in-ot afèr Jésus i vé fé konprann anou : Le pli pti moun, é bin sé li !

É okip inn simp-ti-moun, minm inn ki pass in sèl zour dann nout vie, bé, sé li !

Ler Jésus i rakont anou sa, sé saminm li di anou,
Rod pas li dann Syiel,
Pa besoin attann li va revnir, Tonm pa dann in sipozision pou di nou noré mieu kompri ali si nou té viv dann son tan,
Li di anou, li lé là, ansanm nou,
Li lé devan nou, dann le pli pti moun va kroiz nout shemin.
Li lé le sinp-pti-moun nou va okupé, ou byin nou la fini komans ocupé..


Li rosanm pa solman le simp-ti-moun la besoin anou : li sé zot, é zot sé li !
Portan li le lo roi ! Soi-disan li le pli-gran, mé li estîm Ali le pli-p'ti...

An minm tan, Jésus i fé poz anou osi in-ot kestions :
Kosa nou pé fé pou fé an sort, tou-sa soufrans i arèt ?
La faim, la misèr, ou tout sort choz ki fé domoun i réss atèr, dann shemin, ou byin dëor, ou dann dot soufrans, la maladi, la dépression, do moun i ress tout-sel..,
Kosa fé pou'k sa i exiss pi ?

En minm tan li fé konprann anou osi :
Nou pé pa di sé in problèm général,
Pars in moun, in simp ti moun lé pa in nafer général,
Li lé in moun, in moun konm tout moun,
É sé ler do moun, ou byin anou, nou okip pa son souffrans, sé konm sa nou "dé-moun" azot - sé konmsa nou oubli li lé un moun.
Mépriz lë simp-ti-moun, sé mépriz Jésus,
Ainm lö simp-ti-moun, sé Ainm Jésus é kompran ' Kosa i lé in moun' : In vré zanfan Bondié, konm Jésus lé lö zanfan-Bondié.


source :Jean Denis FERRERE op

Posté le : 10/03/2014