Saint Luc 9,23-24.

Jesus té i di :

" Le moun i veu marche ansanm Mwin,
Fo li oubli ali,
Fo li pran sa croix tou-lé-zour,
Et li suiv amwin.


Pars, lo moun i veu sauv sa vie, va perd sa vie,
Mé lo moun i perd sa vie pou Mwin, là li va sauve sa vie".

Fo perd pou gagné ! Ou Kroi sa ou ?
Zordi, i koz solman "gagnan-gagnan" dann tout Zafer,
Dann travay, dann biznès, dann komers, dann l'édukasion, entr bann péi..
An atandan, le gagan-gagan bien souvan-défoi sé si la tête do moun, si la tête bann pèp, an mépris la vie do moun, an mépris zot dignité...
Le gagnan-gagnan bien souvan-défoi, si in manière la koripsion,
Le gagnan-gagan lé bien souvan "dann tant'couvèr" !!

Jésus i di fo perd pou gagné : perd out vie pou gagne la vie, perd out vie pou gagne sa vie !
Li vé dir anou, tout façon, nout vie lé perdu d'avance si nou komte ryin si nou !
Mé si nou met nout vie dann son main,
Si nout main i apport nout croix konm li porte sa croix,
Nou porte pas la résignation,
Nou apport nout vie, ansanm la vie tout nout frèr ansanm Li...
La vie i apporte la vie, sa vie ansanm sa croix i met osi la vie si nout croix - nout croix nou arale dérièr nou toulézour, ansanm nout dignité, ansanm bonkèr !

source : Fr. Jean-Denis Ferrere o.p.

Posté le : 06/03/2014