Inn ti manzé pou Carême - lundi 17 mars

Inn ti manzé pou Carême - lundi 17 mars

Saint Luc 6,36-38

Jésus té di la foule de moun :

Viv la miséricord konm le Papa-dann-Syel i donn la Miséricord.
Juge pa, zot sra pa jugé !
Kondane pa, zot sra Pa kondané !
Pardone, zot sra pardoné !

Donne, zot va resevoir : zot va gagne inn pinte byin plinn, byin tassé, byin sekouïé, ziska tan i déborde - va verse ael dann zot tablié ;
Di azot byin, la pinte zot i utiliz pou lé-zot, sra la pinte va utiliz pou zot.

Pou réfléshi, pou fé ni zoli prièr :

Jésus i di anou, lo papa dann syel i donn anou sa Misérikord toultan :
La Misérikord lö Papa-dann-Syel, sé son manièr amont anou li yinm anou, son manièr di anou li yinm anou.
Dann promié débu, Bondié la fé domoun, li la souff dann le nez Adam, la donn Adam la vi : sa sé son Souff-La-Vie , Lesprit-Saint !
Par son Souff-La-Vie, li rampli anou ansanm son Lamour, saminm remet toultan sa vi en nou, saminm i arange nout ker ék nout lesprit toultan.
Bann zansyin la aport la Foi pou nou, té i di, pou fé komprann anou Kosa i lé la Misérikord Bondié, nou pé fé in komparézon : mazine in zanfan kan li lé dann vant'-son-monmon ;
Sé la li dévlope pou vni inn ti moun. Bé la Misérikord le Papa-dann-syel, lé konm nou lé dann son vant-Bondié, é Li aport anou pou fé énèt anou dann sa Vie.
La Miséricord !
Jésus i di anou, viv la miséricord konm la Misérikord lo Papa-dann-Syel i aport anou dann son vant : nou osi nou pé èd lé-zinn-lé-zot avansé dann shemin Lamour-Bondié. Li di anou, la miséricord, sé ler nou viv la justis, mé pa in jugeman i kraz lézot ; ler nou viv le pardon, mé pa la kondanasion ; ler nou viv la vré Charité - Lamour konm Jésus la aprann anou yinm anou lé-zinn-lé-zot.

Bondié, nout Seigneur, nout Papa dann Syel,
Par out Misérikord, aprann anou viv la Misérikord,
Rampli nout vie ansanm lö Souff-Ton-Lamour,
Aprann anou viv Lamour,

Amen

source : Jean Denis FERRERE op

Posté le : 27/03/2014

 1 2 3 >  Last ›
  • Méditation pour la Veillée du Jeudi Saint 2024

    Méditation pour la Veillée du Jeudi Saint 2024

    lire
  • LETTRE APOSTOLIQUE  TOTUM AMORIS EST

    LETTRE APOSTOLIQUE TOTUM AMORIS EST

    lire
  • Concours photo

    Concours photo

    lire